السلام عليكم
محمد تانى ضاحيا ف كرسى الاعتراف
يلا يا محمدالكرسى اهو
محمدايه النور دا
هبدأ واسئلك
1- اسمك وسنك وعنوانك
ماشي يا عم عقبال ما نعملو معاك الانسانيه ونريحوك من الدنيا كلها انشا الله هههههه
اسمي محمد عماد والنت كلو عارف طبعا ومش هقولو ثلاثي لو علقتوني ههههههه
مواليد 81 احسبو انتو بقى علشان بتلخبط شهر 11
عنواني في مصر جمبييك في فيصل حاليا يا حلو ومش هتروح مني في اي حته انشا الله فطار وغدا وعشا عندك هههههه
عنواني في الرياض ملوش لازمه الا لو حد هيشرفني هنا يبقى يقولي علشان اديلو عنوان غلط ههههههه
2- محمد انت عصبي اكيد طبعا ... ايه اكتر حاجة بتخليك عصبي عشان نعملها ... اقصد عشان منعملهاش؟
ابدا الحمد لله انا مش عصبي وحتى لو كنت عصبي مش قايل هي مش ناقصه يا خويه تسخين
وبعدين كلكو شباب زي الفل مفيش ايتها حاجه تعصب ولا بتاع وربنا يديم المعروف واخرج انشا الله بكفاله من الكرسي المقندل دا
3-ايه الحاجه الى نفسك تغيرها فى شخصيتك ومش عارف؟
لا حجات كتير بجد نفسي اغيرها علشان اتماشى مع العالم الى حواليا ما هو اغلب الناس بقت وحشه وبتاعه مصلحتها نفسي ابقى كدا بس مش عارف الجينات بقى الوراثيه الى واخدها عن ابويه وجد جدي حتى لوني قمحي لون نيلك يا مصر والسلام عليكو
4-مطربك المفضل ؟مطربتك المفضلة ؟ممثلك المفضل؟ممثلتك المفضلة؟
عمرو دياب و شرين عبد الوهاب محمد عماد
الممثلين احمد السقا الممثله المفضله الى بموت فيها ياسمين عبد العزيز
5-محمد بتحلم ودا شىء اكيد طبعا ... امال بتتسل فى ايه وانت نايم .... قوليلنا بقه احلى حلم حلمتوا بيه ويارب يتحققلك يارب؟
حلمت بيك ؟؟؟ مكدبش عليك ولا مره يمكن مره اتفزعت بيك مش حلمت ههههههههههه
بحلم بحجات كتير والله هقولك على حاجه وحده
بحلم ان مصر تكون احلى بلد في الدنيا ونرجع نستقر فيها ومنخفش من حد ينصب علينا ولا ح ياكل حقنا ولا حكومه تزهقنا وشكل كدا المنتدى هيتشمع قريب علشان البقين الجامدين دول هههههه
محمد بالحق اوعى تنطشيلى اى سئوال برده ب100
اسمها تطنشلي ياعم مش تنشيلي انتا بتكلم محمد مش ام محمد هههههههههههههه ركز
نلقاكم بعد الفاصل